درس عملى ومفيد فى فن التسويق لو كنت فى حفلة كبيرة وشفت

فجأة بنت حلوة ورحت على طول قولتلها انا غنى جدا تتجوزينى يبقى دة

على طول اسمة تسويق مباشر

اما لو كنت فى نفس الحفلة الكبيرة وكان معاك اصحابك وشفت نفس

البنت الحلوة وراح واحد صاحبك متطوع وقالها عنك انك غنى قوى ممكن

تتجوزية يبقى دة اسمة دعاية

اما لو كنت فى حفلة وشفت بنت حلوة ورحت لها واخذت منها رقم

تليفونها واتصلت بيها فى اليوم التالى وقولت لها انا غنى جدا تتجوزينى

يبقى دة اسمة تسويق عن بعد

فى نفس الحفلة ونفس البنت الجميلة ظهرت بس انت قمت وقفت فى

شياكة وعدلت الكرافت بتاعتك ورحت لها وقدمت لها حاجة تشربها

ولما انتهت الحفلة وصلتها بالعربية بتاعتك وفتحت لها الباب علشان تنزل

ولما وقعت الشنطة بتاعتها جبتها من الارض وقدمتها لها وقلتلها فى

الاخر بالمناسبة انا غنى جدا تقبلى تتجوزينى يبقى دة اسمة علاقات

عامة

لوحصل بقى فى اى موقف من دول انك فوجئت بيها بتضربك بالقلم على

وشك يبقى دة اسمة رد فعل الزبون

اما لو حصل انك عرضت عليها الزواج وفوجئت بيها بتقدم لك جوزها يبقى

دة اسمة فجوة بين العرض والطلب

فى حالة انك عرضت عليها الجواز وفى نفس الوقت دخل شخص تانى و

قالها انا غنى جدا تتجوزينى وراحت معاة يبقى دة منافسة تأكل حصتك

فى السوق

اما لو حصل انك بمجرد ما قولت الكلمتين دول وفوجئت بمراتك قدامك

يبقى يا معلم دة اسمة فى فن التسويق عقبات دخول اسواق جديدة!

امال بقي لو واحده بتضحك علي الناس وتقول ان اسمها هنا وهيا اسمها مش كده خالص يبقي دا اسمه
(تغفيل)

ميرسي علي الكلام الي يدوخ ده بس لذيذ

ويارب تكونى في احسن حال
وبردو مستنيين المزيد والمزيد